你妳 (運通洋樓) (已結業)

行開荃灣，留意到哩間新開食台式食物既食店，入左黎食晚餐，食物幾抵食，味道又唔錯！食物選擇同一般台式店差不多，但見到一款珍珠魯肉飯好特別，珍珠奶茶就飲得多。芋泥吐司好吸引呀，可惜夜晚賣晒，下次中午黎試下先。夜市鹽酥拼盤 $86一盤香脆既炸物真係諗番喺台灣夜市掃街既回憶，有鹽酥雞、花枝丸、甜不辣同四季豆四款。四款都好味，特別係花枝丸同四季豆，個醬微酸辣都幾好味。珍珠魯肉飯 $36一上枱即刻試試珍珠咸既會係點，d珍珠吸晒魯肉汁既味，好濃，出奇地夾，有創意！魯溏心蛋同肉鬆好送飯。士林香腸烤雞腿配乾拌麵 $78跟餐 +$3 熱冬瓜茶拌麵個汁好正，刀削麵彈牙，台灣腸同雞腿都好味。高雄紅茶牛奶珍珠 $38唔會好甜，幾香既紅茶味，幾好。