360餐廳 (已結業)

今日晏就突然落起大雨，唯有係附近餐廳簡簡單單食餐晏。惟下午食飯時間都未坐滿，唔知係咪因為暑假關係呢？Lunch menu 有七款選擇，價錢都係46-48蚊之間，尚算合理。我叫左a餐，日本咖哩炸魚柳珍珠米飯。咖哩偏甜，唔辣，不愧係日本咖哩，個樣睇起上黎辣，事實上一啲都唔辣。入面有少少細粒紅蘿蔔，汁嘅份量好多，夠哂撈飯。炸魚柳偏薄身，不過炸得好脆好香口，上碟熱辣辣，好食！最令我驚喜係個珍珠米飯，雖然飯偏硬，不過撈咖哩汁啱啱好而且佢唔係白飯，入面混左少少香菇粒，令到個飯有淡淡嘅菇味。整體而言，價錢合理、份量足、米飯好食！都不失為lunch嘅一個好地方。