阿善素食 (已結業)

經過一間齋鋪，見到有好多人買齋嘅外賣，八卦望下，樓下外賣，樓上餐廳，生意好似幾好，仲做埋台式飲品，有珍珠奶茶，＄15一杯價錢合理，即刻買杯試吓。
因為知道台式飲品一般比較甜，所以特登叫咗少甜，奶茶方面味道冇問題，不過啲珍珠出事，珍珠好硬，好明顯未煲淋，完全無彈性，飲珍珠奶茶啲珍珠先係主角，對杯飲品好失望，唔希望佢賣啲咁嘅嘢俾人，走返轉頭，同返個夥計講，個夥計話唔出奇，因為今日係由另一個人煲，唔關佢事，不了了之。
既然對自己食物嘅質素都唔重視，我都無佢辦法，反正意見已經反映咗。