茶湯會 (皇后大道中)

茶湯會係台灣算出名既飲品連鎖店，但香港就暫時有幾間分店。最近我先發現係公司附近有一間，珍珠奶茶不離手既我緊係要黎試下😋
我第1次黎就簡左佢既Top1觀音珍珠拿鐵，唔知係因為個人口味問題定係沖調出左問題，我覺得有d失望～奶味夠，見到係用明治既奶沖製；佢既鐵觀音茶底比較出名，所以對個茶有d期望，但係好可惜個茶底好淡，飲唔出佢既特別之處😢
我同事就買左珍珠冬瓜拿鐵，我試飲左一啖，發現呢杯先岩我口味！奶同冬瓜茶味真係好夾，但同事就覺得太甜，而重口味既我覺得無論係奶味冬瓜茶味甜味都岩岩好！
搞到過左幾日，我就心思思要黎幫襯第2次，當然今次係黎買珍珠冬瓜拿鐵😍