珍煮丹 (已結業)

講到珍煮丹好多人應該會買佢嘅黑糖珍珠鮮奶。本身都諗住試佢嘅黑糖珍珠鮮奶，但竟然比我見到佢有竟然有泰式奶茶賣🤤🤤🤤即刻心心眼呀！因為據我所知好似冇邊間台式飲品店會有泰式奶茶賣🤔泰泰珍珠鮮拿鐵$32我知道好多台灣過江龍嘅台式飲品店啲嘢飲通常都會好甜，所以我叫咗微糖微冰。其實我本身飲開台式飲品都一定會帶走冰嘅，但珍煮丹就冇得叫走冰最多只能夠幫你做微冰或者常溫。雖然冇得嗌走冰，不過有得俾你改冰塊同埋甜度已經好好，因為都有好多台式飲品店係唔俾你改嘅。佢嘅泰式奶茶係超濃亦都會飲到佢嘅茶香👍🏻👍🏻但有一樣野要講嘅係，就算我叫咗微糖都係超級甜，加埋佢啲珍珠都係用黑糖去煮過嘅，真係甜到我冇辦法飲得晒成杯野😖😖😖建議唔飲得甜嘅人最好叫無糖，因為佢啲珍珠已經夠甜。