船長 泰國船麵工房 (已結業)

真係好傷心, 呢間泰式餐廳我差不多每個星期都會去食, 但最近得知佢將會做到7月中就結業, 真係好可惜... 😭😭老實之前就算係午市都真係少咗好多人, 我都暗暗擔心咗好耐.. 呢間真心好食, 價錢又OK, 而家要等到老闆係FB講咗會結業之後啲人而家先黎大排長龍真係.. 唉.. 😔😔佢地既船麵湯底真係好好味, 真係好有泰國風味, 我最中意食船麵雞, 雞脾好大隻煮得好淋, 雞翼都好入味, 船麵我會配金邊粉, 佢既麵都係泰國入口, 麵質好配上湯底更match!另外每次都必定會叫既街頭炸雞翼, 佢既雞翼開單邊沾炸粉&芝麻去炸炸得好香口又脆, 佢地結業之後我真係唔知可以去邊度再搵到咁好食既炸雞翼.. 😭😭重有佢既養生青檸香茅茶, 真係落足料去煲. 唉.. 呢間店除咗美味既食物之外重有親切既店員&人情味.. 每次諗到得返一個月唔夠既日子真係好心傷...