URBAN Cafe (彌敦道)

营业中

休息中

一個下午，同有養猫既朋友去Brban Cafe睇下d猫喵，🐱傾下計又食下野咁～本來主要目的係睇猫，點知d野食好好味！🍴南瓜湯呢個濃湯好足料，有好多南瓜，口感好順滑🍴夏威夷風情拉絲水牛芝士手工薄餅🍕哇！呢個pizza好好味😋勁多芝士,d邊位芝士仲要係脆，芝士迷一定要叫個pizza。🍴巴馬火腿沙律🥗蔬菜好新鮮，配搭巴馬火腿好夾，配左d酸酸地既黑醋橄欖油，令人好想食完一啖又一啖😋🍴牛扒闊條麵🍝牛扒勁大塊，好飽肚，意大利粉有咬口，有手工感。🍴Oreo 脆脆忌廉凍朱古力個蓋超可愛，係猫猫頭架～Oder仲有得選少甜，好細心！之後點少得講下d猫猫呢～🐱D猫猫好痴人，任摸唔嬲，仲有好多名猫，布偶，英短，美短，金吉拉，金影，銀影⋯⋯他們隻隻d毛都好有靚，個樣好精神好健康！成枱食物唔會搶食同埋跳上黎阻住你食野。食完野清乾淨張枱先會上黎玩，好有禮貌😊下次一定要再去，好開心的下午。