牛陣 (荃新天地) (已結業)

進入夏天已經好耐冇打邊爐，今日行開荃灣，見到牛陣做緊夏祭主題，又有得食又有得玩，阿囡見到show出嚟份禮物有水槍已經高興到癲咗，係咁話要食。拎咗飛後有得玩釣魚🐠遊戲，限時20秒內如果釣到足夠嘅魚，有機會全單79折，阿女好比心機釣，雖然冇大吉但系有夏祭扇同埋小糖果做安慰獎都超開心！我哋點咗日本產特選黑毛和牛放題，仲有海鮮盛合，波子汽水任飲(429/成人，169/小童)，個豪華海鮮盛合真系不枉其名，因為真系幾豪華😂，隻蝦仲長過手掌，鮑魚同元貝已經起曬肉，食得好方便，其他海鮮仲有海螺、章魚、八爪魚、青口、蝦滑……喂啊，仲要留返d肚食和牛啊🙈！至於和牛任食真系超犯規，因為忍唔住食咗好多！和牛系全日本產，見到師傅系現場機切，油脂分佈平衡，浸落湯幾秒就食得，好似融在口咁😋😋。食到中間，職員突然拎咗份水槍禮物出嚟比小朋友揀，好驚喜！可以揀1支大型水槍，亦可以揀5支裝嘅細水槍，我哋就揀咗5支細水槍嘅套裝，阿囡可以拎返屋企同朋友仔分享，好開心！最後嘅happy ending梗系吾少得食雪糕🍦，系Haagen-Dazs啊，今次想吾happy都吾得😂！臨走仲有一張大吉嘅九折優惠券，下次再食九折冇問題！