圍威喂 (誠信中心) (已結業)

呢一間餐廳玩味重，從餐具， 餐紙，餐廳嘅佈置已經睇得出落足心機！（仲有一幅粉紅色霓虹燈牆添）其實望落真係唔知佢主打泰國菜當晚前菜叫左個青木瓜是豬頸肉沙律，超級清新！豬頸肉夠爽，青木瓜都好爽，配上大大粒嘅車厘茄簡直係Perfect match！主食要咗一個炒金邊粉，餐廳好用心用蛋絲包住整碟粉面，份量都幾多而且味道都幾泰式，不過個蛋絲就煎得有點乾同無味。最後仲叫多咗份串燒，牛就燒得幾好啦！不過豬同埋雞呢就比較乾身，好彩有個沙嗲醬挽救一下。