真妮 (已結業)

好耐冇食burger，經過見到呢間充滿玩味的漢堡店、平日夜晚都好多人，就入去試試。招牌真妮漢堡有隻雙層手打漢堡牛肉、夾著生菜、番茄、芝士、仲有秘製醬汁、有少許辣辣地黑椒味亦好juicy。夏威夷鳳梨黑豚堡、吉列黑豚炸得香脆鬆軟、唔會太乾、伴上原片菠蘿同青瓜絲、口感豐富。另外送上的一籃薯條都是即叫即炸、熱辣辣。另外加$28 可追加炸魷魚圈同 $15有柚子沙律魷魚圈都係新鮮炸起，可蘸特色蟹籽醬。飲品都好抵、加$23就有抹茶latte～餐廳仲有好多打卡位，啱晒女仔同閨蜜黎影相食野。