影片
更多
2019-10-05
481 浏览
日期：10月4日人數：3人之前搵嘢食嗰陣，已經知道有呢一間餐廳。睇到其他人影既相，覺得好有趣，一直都好想試。終於同埋兩個同事一齊來食咗個lunch。Lunch Menu已經由之前嘅魚蝦蟹模式變咗另一種全部都係香港電影名嘅菜單。我哋叫咗‘蒸武門’、‘煙脂扣’、同埋‘大隻滷’。餐湯係紅蘿蔔粟米中湯，餐包係燒腩卷。燒腩卷裏面嘅燒腩肥瘦適中，配合鬆軟嘅中式麵包同埋少許蔬菜絲，成個包肥而不膩。‘蒸武門’ 係籠仔荷葉豆腐蒸魚片，魚片同豆腐都切得好薄，所以蒸出嚟都好滑。‘煙脂扣’係鐵板黑椒牛面肉。牛面肉非常腍，黑椒汁惹味 (個人覺得可以俾多d)，配菜就係雜菜同波浪紋型薯條，同一般茶記一樣。‘大隻滷’係滷水豬軟骨陳村粉。豬軟骨大大嚿，但肉都炆得好腍，係符合‘大隻’兩個字，又幾好食。三個套餐份量適中，賣相都好好。糖水冰冰涼涼，甜甜地幾好食，為lunch畫上句號。餐廳嘅裝修係懷舊香港風，坐得都夠舒服。播出70-80年代粵語歌曲，營造到懷舊嘅氣氛。服務同衛生都好唔錯嘅，加埋位處中環，所以價錢就會貴左少少啦，不過都尚算可以接受。
人數：3人
之前搵嘢食嗰陣，已經知道有呢一間餐廳。睇到其他人影既相，覺得好有趣，一直都好想試。終於同埋兩個同事一齊來食咗個lunch。
Lunch Menu已經由之前嘅魚蝦蟹模式變咗另一種全部都係香港電影名嘅菜單。我哋叫咗‘蒸武門’、‘煙脂扣’、同埋‘大隻滷’。
餐湯係紅蘿蔔粟米中湯，餐包係燒腩卷。燒腩卷裏面嘅燒腩肥瘦適中，配合鬆軟嘅中式麵包同埋少許蔬菜絲，成個包肥而不膩。
‘蒸武門’ 係籠仔荷葉豆腐蒸魚片，魚片同豆腐都切得好薄，所以蒸出嚟都好滑。‘煙脂扣’係鐵板黑椒牛面肉。牛面肉非常腍，黑椒汁惹味 (個人覺得可以俾多d)，配菜就係雜菜同波浪紋型薯條，同一般茶記一樣。‘大隻滷’係滷水豬軟骨陳村粉。豬軟骨大大嚿，但肉都炆得好腍，係符合‘大隻’兩個字，又幾好食。三個套餐份量適中，賣相都好好。糖水冰冰涼涼，甜甜地幾好食，為lunch畫上句號。
餐廳嘅裝修係懷舊香港風，坐得都夠舒服。播出70-80年代粵語歌曲，營造到懷舊嘅氣氛。服務同衛生都好唔錯嘅，加埋位處中環，所以價錢就會貴左少少啦，不過都尚算可以接受。
张贴
