影片
更多
2015-10-04
306 浏览
行過西環第三街，無意中發現咗間新餐廳——Chico Chica！餐廳以玩味Taps作招徠，可以搵到特色fusion小食，每道菜都有驚喜！首先點咗特色飲料Passion Sunrise，酸酸甜甜，好清新！入面仲有唔少士多啤利果肉架！然後點咗三個tapas！Tuna Tartar一個個插喺盤栽上，以窩夫筒盛載，造型超級可愛呀！唔係得個樣架，吞拿魚他他仲係泡菜口味，呢種Tuna Tartar真係第一次試！Meat Platter風乾12個月嘅西班牙白毛豬火腿Serrano (左) 油脂色澤偏白，肉質細嫩，帶微微鹹香，為三者中味道較淡的火腿。西班牙辣肉腸chorizo (中)，薄到好似紙咁，口感煙韌，鍾意佢淡淡煙燻味並帶有少少辣度，比一般食開嘅厚身chorizo出色。風乾48個月的Covap黑毛豬 (右)，顏色較深，表示味道亦比較香濃，餘韻悠長，最鍾意呢種火腿！Tomato Tempura炸過嘅車厘茄真係唔常見呀！特別在於車厘茄下面沾有wasabi，刺激味蕾，酸、甜、辣三者交錯，好得意！而一粒粒白色嘅並唔係鵪鶉蛋，而係mozzarella cheese! 水牛芝士比較有彈性帶啲煙韌，但佢下面原
行過西環第三街，無意中發現咗間新餐廳——Chico Chica！餐廳以玩味Taps作招徠，可以搵到特色fusion小食，每道菜都有驚喜！
首先點咗特色飲料Passion Sunrise，酸酸甜甜，好清新！入面仲有唔少士多啤利果肉架！
然後點咗三個tapas！
Tuna Tartar一個個插喺盤栽上，以窩夫筒盛載，造型超級可愛呀！唔係得個樣架，吞拿魚他他仲係泡菜口味，呢種Tuna Tartar真係第一次試！
Meat Platter
風乾12個月嘅西班牙白毛豬火腿Serrano (左)
油脂色澤偏白，肉質細嫩，帶微微鹹香，為三者中味道較淡的火腿。
西班牙辣肉腸chorizo (中)，薄到好似紙咁，口感煙韌，鍾意佢淡淡煙燻味並帶有少少辣度，比一般食開嘅厚身chorizo出色。
風乾48個月的Covap黑毛豬 (右)，顏色較深，表示味道亦比較香濃，餘韻悠長，最鍾意呢種火腿！
Tomato Tempura
炸過嘅車厘茄真係唔常見呀！特別在於車厘茄下面沾有wasabi，刺激味蕾，酸、甜、辣三者交錯，好得意！
而一粒粒白色嘅並唔係鵪鶉蛋，而係mozzarella cheese! 水牛芝士比較有彈性帶啲煙韌，但佢下面原來係沾有平時點麵包食嘅黑醋，味道相當唔錯！
主菜方面就叫咗Hanger Beef。
採用牛嘅橫隔膜部位，味道濃郁而柔嫩。大廚用上煮腍咗嘅紅酒洋蔥鋪面，口感似purée，獨特嘅甜味絕對可以襯托出牛肉嘅鮮味。旁邊仲有南瓜purée，可作出唔同嘅配搭！
Last but not least, DESSERT!!!!
Creme Catalana
呢個甜品相當有驚喜！外觀似crème brûlée，都有焦糖脆面。但原來綿滑嘅燉蛋內有草莓、紅桑子同藍莓，而且燉蛋中央仲藏有一球檸檬雪葩！冷熱交融之餘，味道仲富有層次！
Chico Chica每個dish都十分有特色，一定會再返去試下其他嘢食😍
张贴
