鬼混 (已搬遷) 新店位置

好耐冇約朋友見面，今日見到呢間餐廳個名好特別，決定同朋友high tea 撐枱腳！一個成功嘅Afternoon Tea Set 除咗好味之外，環境風景都好重要！首先餐廳位置方便之餘景觀好開陽，餐廳裝修好有心思，天花板都掛滿畫，餐桌、tableware 都好靚，睇到已經令人賞心悅目。三層下午茶之中，我哋最鍾意佢嘅咸點，特別係三文魚牛角包，用料新鮮，牛角包外脆內軟、食一個唔多夠喉添！和牛批嘅牛肉好香嫩而且油分充足，好正！鍾意食甜嘅朋友可以慢慢享受窩夫同埋千層蛋糕等等，食完好有幸福感，亦都好有驚喜感。餐飲朋友點咗咖啡，拉花好靚咖啡好香滑。因為已經飲咗兩杯咖啡，所以我就要杯凍檸茶，清清地都係唔錯嘅選擇。