麦玉子 (已結業)

今日唔使返工就去一田入貨，行到累累地又肚餓，就黎到呢間餐廳試下，係食日本野，一於坐底試下啦。首先我叫左個鰻魚玉子飯，鰻魚有成兩塊咁多，中間個層有好多玉子就伴菜，再加上啲燒汁撈飯食，真係十分好味，好味到停唔到口。之後叫多個小食，芝士粟米玉子，厚厚既芝士口感十足，金黃色既外表好整齊咁放係碟上，睇見已經流曬口水，食落重有驚喜。友人就選左咖喱吉烈豬排飯。豬排炸到金黃色，外脆內軟，而且啲咖喱汁好香濃，友人勁鐘意。跟住叫多個小食原味玉子燒，香濃既蛋香味，甜甜地，口感一流。味道都唔錯，一定要試下，一試難忘。