影片
更多
2023-02-15
274 浏览
情人節唔知食咩好， 周圍行下睇下有咩好食， 經過尖東噴水池嗰頭見到有間試業中嘅新餐廳， 望樓裝修都唔錯於是決定去試一下餐廳嘅食物水準。入到餐廳見啲裝修都做得好有心， 落單用QR Code 免卻等候侍應落單， 上餐速度快而且送餐嘅係機械人侍應，好得意😍講番食物嘅質素， 我哋點嘅菜全部賣相好而且仲都好好味。前菜： 醃漬蕃茄沙拉配水牛芝士10/10蕃茄配水牛芝士從來都係絕配， 呢個沙律做得非常出色， 酸酸甜甜好開胃， 而佢嘅水牛芝士亦做得好有心，將水牛芝士 變成泡沫， 口感軟綿綿好特別。強烈推介！湯：大啡菇湯9/10大啡菇菇湯配上黑松露醬同脆片，賣相好靚。湯嘅口感順滑又重菇味， 味道同層次都好豐富，食得出主廚好有心機煮。主菜1：大蝦意粉6/10呢款試食過一啖，酸酸哋又辣辣哋，大蝦都整得唔錯，整體都幾好，不過本人唔鐘意酸辣嘢，唔係我杯茶。主菜2：香脆五花腩 10/10呢款真係不得了， 入口好有驚喜😍 五花腩個皮炸到脆卜卜， 五花肉肥瘦相間食落去唔會有油膩感，肉質口感鮮嫩、表皮口感酥脆，兩種風味一次享受。咁好食得唔得㗎？價錢： 情人節無趁機加價， 好有良心，呢點一定要讚👍我哋冇嗌到情人節套餐因為
入到餐廳見啲裝修都做得好有心， 落單用QR Code 免卻等候侍應落單， 上餐速度快而且送餐嘅係機械人侍應，好得意😍
講番食物嘅質素， 我哋點嘅菜全部賣相好而且仲都好好味。
前菜： 醃漬蕃茄沙拉配水牛芝士10/10
蕃茄配水牛芝士從來都係絕配， 呢個沙律做得非常出色， 酸酸甜甜好開胃， 而佢嘅水牛芝士亦做得好有心，將水牛芝士 變成泡沫， 口感軟綿綿好特別。強烈推介！
湯：大啡菇湯9/10
大啡菇菇湯配上黑松露醬同脆片，賣相好靚。湯嘅口感順滑又重菇味， 味道同層次都好豐富，食得出主廚好有心機煮。
主菜1：大蝦意粉6/10
呢款試食過一啖，酸酸哋又辣辣哋，大蝦都整得唔錯，整體都幾好，不過本人唔鐘意酸辣嘢，唔係我杯茶。
主菜2：香脆五花腩 10/10
呢款真係不得了， 入口好有驚喜😍 五花腩個皮炸到脆卜卜， 五花肉肥瘦相間食落去唔會有油膩感，肉質口感鮮嫩、表皮口感酥脆，兩種風味一次享受。咁好食得唔得㗎？
價錢： 情人節無趁機加價， 好有良心，呢點一定要讚👍我哋冇嗌到情人節套餐因為驚食唔曬，不過睇過佢嘅情人節套餐其實都好抵，套餐人頭消費四百蚊都唔使。 我哋張單埋單連加一$569， 情人節嚟講，咁嘅食物，咁嘅裝修，對我嚟講真係好抵食。
呢間餐廳令我為佢獻出第一次😂第一次令我有寫食評嘅行動。真心推薦👍👍👍
张贴