影片
更多
2012-02-24
388 浏览
現在返工的我, 好少機會一個人食午餐了, 因為已有一班三五知己的飯腳了, 除非剛好咁多個飯腳一齊唔得閒啦. 今日就特別一點, 因為今日要去附近的診所做物理治療, booking時間就剛好是我的午飯時間, 那就唯有自己一個去做完先去搵野食啦!!有時一個人去餐廳個感覺好似怪怪地咁, 不過今次去這間小店, 真係好適合一個人去, 全個店面只有五個bar枱位, 雖然佢在街邊可以開枱, 但始終也不及在bar枱看著師父整壽司比自己咁好Feel, 今日做完治療都攪到三點, 這個時間當然無咩客啦, 咁我就坐定定睇下有咩好食, 門口的老闆娘很快就放低了熱茶及餐具給我, 感覺她很親切啊!! 話晒第一次幫襯, 我都唔敢叫特別野食, 都係正正常常三文魚, 帶子同醋青魚, 當然少不了刺身, 因為食左三文魚, 就試試甜蝦刺身啦.先食帶子, 白雪雪的帶子, 唔似平時壽司店咁開邊, 佢係圓碌碌咁睡在壽司飯上, 所以睇過這相的朋友問我做咩食波波壽司, 其實只係錯覺!! 帶子還算新鮮, 唔會有怪味, 但也不算很甜美的感覺, 還可以啦! 而個三文魚真係幾靚仔, 有間紋的, 又唔會雪到無晒味, 十三蚊有咁既質素, 我真係不得
有時一個人去餐廳個感覺好似怪怪地咁, 不過今次去這間小店, 真係好適合一個人去, 全個店面只有五個bar枱位, 雖然佢在街邊可以開枱, 但始終也不及在bar枱看著師父整壽司比自己咁好Feel, 今日做完治療都攪到三點, 這個時間當然無咩客啦, 咁我就坐定定睇下有咩好食, 門口的老闆娘很快就放低了熱茶及餐具給我, 感覺她很親切啊!! 話晒第一次幫襯, 我都唔敢叫特別野食, 都係正正常常三文魚, 帶子同醋青魚, 當然少不了刺身, 因為食左三文魚, 就試試甜蝦刺身啦.
先食帶子, 白雪雪的帶子, 唔似平時壽司店咁開邊, 佢係圓碌碌咁睡在壽司飯上, 所以睇過這相的朋友問我做咩食波波壽司, 其實只係錯覺!! 帶子還算新鮮, 唔會有怪味, 但也不算很甜美的感覺, 還可以啦! 而個三文魚真係幾靚仔, 有間紋的, 又唔會雪到無晒味, 十三蚊有咁既質素, 我真係不得不給它一個讚, 下次幫襯值得我試一試三文魚刺身.
最後食醋鯖魚, 又係我的至愛, 食親壽司我都一定會點, 這間我覺得酸味重左少少, 定係D飯都有少少影響到我的味覺呢.
順帶一講, 小店的壽司飯握得唔算實, 我筷子功還可以夾起, 我估我跟阿妹黎食, 佢一定會夾散飯.
食晒所有壽司, 我的刺身才到, 其實應該食左刺身先既, 無所謂啦. 八隻大大隻的甜蝦就在我的面前, 真係開心, 平時邊有機會一個人食八隻大甜蝦先得嫁. 甜蝦果然蝦如其名, 真係好甜呀, 食到我連頭都啜埋, 真係食到無晒儀態, 但我一個人食咋嘛, 唔理啦, 最緊要自己開心. 一個人食也要對自己好D. 哈哈!!! 如是者今日又食左一餐過百蚊的午餐了, 不過真係食得好痛快呀. 一個人午餐萬歲
张贴
