L'attitude (已結業)

一個人今日俾老細罵到上天花板，一個人既無奈及帶著悲傷的心情，遊下遊下遊到西環去望海，之後一個人食個獨L晚飯。見到個門口幾CUTE CUTE，入左去。我點左韓式泡菜卡邦尼扁意粉同熊貓棉花糖軟雪糕。韓式泡菜卡邦尼扁意粉﹕估你唔到咁"騎呢"的配搭又幾夾到，微辣的韓式泡菜配上煙韌的意粉。熊貓棉花糖軟雪糕﹕個賣相令我開心番D，因為個樣-樣衰衰，又幾似我。先移走熊貓棉花糖，成杯軟雪糕裡面似係有"柯V奧"的餅碎，杯雪糕幾滑又有奶味，不錯。等我食完杯軟雪糕後，就發現隻熊貓棉花糖毀左容同發硬，食唔到了，咁下次即係話要食左個棉花糖先。