全日雞實驗所 (已結業)

😜店內海報幾鬼馬🤪，寫住「以先美腿後豐胸每寸肌膚平均熟成脾香胸滑，秘方處理。」 店主親自設計機器，用升降機原理控調各部位嘅烹調時間，令肉質似浸咗溫泉咁嫩滑。講到呢度，唔睇圖嘅，你會以為係去咗美容店？🤣但其實係指海南雞飯，雞件似浸過溫泉夠白滑。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍗海南雞皮薄肉厚，雞味濃郁，雞胸位同樣嫩滑。2 份雞各有雞脾同雞翼，係小編摯愛嘅部位🧂三色醬汁可反晒出小店自家製嘅心思，薑蓉每日新鮮利用破壁機打薑打成蓉，打得幼滑。味道淡香自然，漸漸喺口腔揮發，個人頭號喜好非佢莫屬。而甜醬油係用豉油 老抽，焦糖再加入秘制湯包。泰式辣醬略帶後勁，原來係辣椒發酵四日再添加蘋果醋，聽到都知「滴滴辣醬皆辛苦」。🥒青瓜去皮後，仍然爽脆解膩。油飯比平時食開嘅無咁油淋淋，但保持到香味，飯粒軟硬適中。🫕是日無味精靚湯係椰子雞湯，飲落幾清甜，小編仲淋左少少落飯度🤣， 湯飯夠哂消暑。食咗咁多肉同油飯，附送冷泡烏龍茶，既清涼又解除膩口感覺。⏩全日溫泉海南雞飯餐$48溫泉海南雞配香飯，是日靚菜(新鮮青瓜)自家三色醬汁、無味精靚湯、冷泡烏龍茶。全日雞實驗所All Day Chicken Lab🇭🇰深水埗