影片
更多
2022-06-29
252 浏览
一個星期前已經約好咗幾位朋友搵日要去飲酒談天說地，有個朋友話曾經行過呢間酒吧俾佢外面吸引住所以想試吓我哋今日四個人就過咗嚟呢度飲酒傾偈瘋癲左一晚咁炎熱嘅天氣一行到入餐廳就感覺到冷氣非常涼爽，空間感又夠大可能樓底非常高再加埋啲燈光環境非常舒服職員非常有禮貌仲幫我拉開埋張凳夠晒親切放低咗餐牌之後仲介紹咗幾款菜式給我們，解釋詳盡親切友善🥰Address 係Base 2 地址係尖沙咀赫德道17號海信大廈地下去到餐廳門口無論裝修同埋感覺都非常舒適，比到我一種好自由自在嘅感覺，喺香港已經好難搵到一間咁舒服嘅餐廳酒吧生蝦刺身 168元生蝦嘅size非常大隻，望落去已經知道好新鮮，又夠晒凍入口蝦肉非常鮮甜，爽口彈牙，又爽口加上辣椒蝦嘅甜味更加突出，每隻生蝦上面仲有少少辣椒，食得辣嘅朋友連埋一齊食更加惹味辣辣地仲好開胃黃咖喱軟殼蟹$268，法式蒜蓉包五件，咖喱味道好，香而且唔會太辣，軟殼蟹味道鮮甜，咬落去脆卜卜，當軟殼蟹沾上咖喱汁一齊食，味道層次真係好豐富，無論口感同味道都係冇得頂泰式炒通菜 128 元，賣相已經非常吸引，一上枱已經聞到香味，香料同辣椒炒出嚟嘅通菜特別好味，鮮嫩爽口，味道香辣，蔬菜顏色非
Address 係Base 2 地址係尖沙咀赫德道17號海信大廈地下去到餐廳門口無論裝修同埋感覺都非常舒適，比到我一種好自由自在嘅感覺，喺香港已經好難搵到一間咁舒服嘅餐廳酒吧
生蝦刺身 168元生蝦嘅size非常大隻，望落去已經知道好新鮮，又夠晒凍入口蝦肉非常鮮甜，爽口彈牙，又爽口加上辣椒蝦嘅甜味更加突出，每隻生蝦上面仲有少少辣椒，食得辣嘅朋友連埋一齊食更加惹味辣辣地仲好開胃
黃咖喱軟殼蟹$268，法式蒜蓉包五件，咖喱味道好，香而且唔會太辣，軟殼蟹味道鮮甜，咬落去脆卜卜，當軟殼蟹沾上咖喱汁一齊食，味道層次真係好豐富，無論口感同味道都係冇得頂
泰式炒通菜 128 元，賣相已經非常吸引，一上枱已經聞到香味，香料同辣椒炒出嚟嘅通菜特別好味，鮮嫩爽口，味道香辣，蔬菜顏色非常鮮綠，一睇就知好新鮮
冬陰功卡邦尼意粉 218 元，集合左色香味俱全，冬陰功味道非常香辣，配上軟硬適中嘅意粉，入口煙煙韌韌，整體配合啱啱好，完全將冬陰功嘅味道帶入意粉入邊，鍾意食冬陰功嘅朋友一定要揀味道非常新鮮喺出邊好難食到
基地炒飯 288元，呢個真係唔講得笑，大大隻龍蝦伴住，龍蝦上面仲放滿蟹子，粒粒爽口配合埋蟹籽鮮味十足，而且份量非常多，炒飯吵到好乾身，味道好香，帶有少少龍蝦味，味道好鮮甜真係好值得推介，炒飯都能夠做到咁出色，真係要俾個叻
坐到尾聲，當然要叫返杯冰凍嘅飲料🥤，消暑解渴，我揀左杯mango moothie $58，芒果味濃，又有芒果肉，食落仲非常有口感，吾會太甜，凍冰冰飲完一杯都吾夠候
张贴
