海鯛魚湯專門店 (已結業)

鰂魚涌依間「海鯛魚湯專門店」主打鯛魚湯菜式，坊間比較少見，所以都忍唔住嚟試下，依度服務幾好，但不收取加一服務費。汁燒和牛粒咖喱定食（單點$118），多汁多飯，和牛粒牛味濃厚，醬汁味道甜鹹，洋蔥味道清甜，咖喱口感濃稠，辣度2分，配料包括有椰菜花、西蘭花、彩椒，飯粒口感軟硬適中。八爪魚鯛魚湯鳥冬轉鍋燒湯飯追加赤蝦（單點$111），赤蝦肉質爽口，味道鮮甜；八爪魚肉質厚身，口感彈牙，食落好新鮮；鯛魚湯鍋燒湯飯湯底飲落有鮮味，配料包括有豆皮、木耳、海帶。沙律菜（跟餐$20），份量多，內有生菜、紫甘藍、苦菊、車厘茄，配以焙煎芝麻醬食用，味道清爽。味噌湯（跟餐$0），內有豆皮、海帶，味道正宗。芝士蛋糕（單點$28），口感綿密，芝士味道濃郁。熱玉白豆奶（跟餐$13），口感幼滑，豆香味濃。熱抹綠奶茶（跟餐$13），抹茶茶味濃香。