卷福和他的朋友們 (已結業)

送完朋友船，在上環行個圈，見有間專食小龍虾的餐廳，少有噃，就入去試下啦坐底睇下，原來有來頭噃內地仲有好多分店添檯中間有個方框，仲以為食烤魚用嘅爐，原來打開俾我地放龍蝦殼先食個前菜，叫左三文魚沙律，有牛油果，三文魚，啲菜好新鮮，清爽，開胃三文魚肥美，嫩滑，鮮甜西班牙紅燴牛尾小龍蝦，原本要XL,經女侍應介紹，原來XLL啲蝦會大隻啲，靚啲識食嘅我，緊係要XLL啦Size 不小呀隻隻都有膏，膏夠香濃，肉夠鮮甜爽口，加上牛尾的醬汁，一流牛尾這個配角亦不弱，炆得時間剛好，肉林，筋軟，牛香濃濃嘅味道之後，來一杯椰青水，透心涼，解渴，清熱