影片
更多
2015-06-10
298 浏览
上星期去睇跌打行過見到呢間外觀好得意既甜品舖，所以今個星期就走去試下喇！其實未入去都已經俾佢個門面吸引左，雖然坐位唔多，但勝在夠闊絡可以俾你鬆鬆動動咁去慢慢享受甜品，事不宜遲馬上睇下我地食左啲咩先⋯冰鎮綠茶燉蛋配雙式紅荳(P.S.佢會噴煙架)--燉蛋佢有一陣淡淡既綠茶味，入口滑嘟嘟，又冇綠茶既苦澀味，另外係燉蛋上的四個圓形，其實係紅荳啫喱，所以紅荳同綠茶真係好夾架，如果嫌燉蛋唔夠甜，可以加少少旁邊的紅荳蓉添。朱古力牛奶慕絲配甘荀蓉及呍喱嗱雪糕-呢個甜品有驚喜，就係旁邊既餅乾原來係有少少黑椒粒，入口辣辣地，再配埋旁邊得甘荀醬+朱古力雪糕又有另一番風味，而係黑椒餅上一條條既白色棒就甜甜地、入口即溶，一個甜品兩種體驗。糖鈕特選拼盤-呢個拼盤岩曬啲三心兩意既人，點解？？？因為佢一次過可以食到五種迷你版既甜品啊！（當中包括：傳統芝士蛋糕配濃滑朱古力及燴初生櫻桃、糖鈕漢堡、迷你富士蘋果撻、70%特濃朱古力慕絲杯配新鮮柳橙啫喱、七式草莓配白朱古力焗脆糖蛋白）請注意啊！以上既拼盤原來係會隨時令而改變，所以每次黎食都會有驚喜架！而拼盤當中我覺得七式草莓配白朱古力焗脆糖蛋白不錯，裡面既蛋白係甜甜的、外層係
其實未入去都已經俾佢個門面吸引左，雖然坐位唔多，但勝在夠闊絡可以俾你鬆鬆動動咁去慢慢享受甜品，事不宜遲馬上睇下我地食左啲咩先⋯
冰鎮綠茶燉蛋配雙式紅荳(P.S.佢會噴煙架)--燉蛋佢有一陣淡淡既綠茶味，入口滑嘟嘟，又冇綠茶既苦澀味，另外係燉蛋上的四個圓形，其實係紅荳啫喱，所以紅荳同綠茶真係好夾架，如果嫌燉蛋唔夠甜，可以加少少旁邊的紅荳蓉添。
朱古力牛奶慕絲配甘荀蓉及呍喱嗱雪糕-呢個甜品有驚喜，就係旁邊既餅乾原來係有少少黑椒粒，入口辣辣地，再配埋旁邊得甘荀醬+朱古力雪糕又有另一番風味，而係黑椒餅上一條條既白色棒就甜甜地、入口即溶，一個甜品兩種體驗。
糖鈕特選拼盤-呢個拼盤岩曬啲三心兩意既人，點解？？？因為佢一次過可以食到五種迷你版既甜品啊！（當中包括：傳統芝士蛋糕配濃滑朱古力及燴初生櫻桃、糖鈕漢堡、迷你富士蘋果撻、70%特濃朱古力慕絲杯配新鮮柳橙啫喱、七式草莓配白朱古力焗脆糖蛋白）請注意啊！以上既拼盤原來係會隨時令而改變，所以每次黎食都會有驚喜架！而拼盤當中我覺得七式草莓配白朱古力焗脆糖蛋白不錯，裡面既蛋白係甜甜的、外層係酸酸的，很有層次。
最後，小糖鈕為每檯客人送上兩兜小爆谷，而小爆谷係佢地既新產品，當中麻辣味比較特別，一試難忘。
题外话/补充资料：
呢度既甜品師傅很用心為客人預備甜品!值得一讚^^
(以上食记乃用户个人意见 , 并不代表OpenRice之观点。)
张贴
