一杯屋 (已結業)

一直都鐘情於日式居酒屋🏮，最岩三五知己一齊食下串燒飲下清酒。聽店員講先知原來「一杯屋」係唯一獲香港政府頒發「炭火使用許可」牌照嘅正宗日本炭火焼専門店。一向唔太喜愛牛舌嘅我，都覺得呢度嘅牛舌煮得好好味。牛舌燒至約7成熟，腍軟又彈牙，質感獨一無二，而且充滿獨特嘅炭火香味。呢個炭燒牛舌鰻魚飯便當食物種類非常豐富。除左主食鰻魚飯同埋主角之一炭燒牛舌，仲有三文魚油甘魚海膽刺身、炸一口芝士、煙三文魚沙律同埋蜆肉海帶湯。前菜茄子牛肉卷，牛味香濃，包住多汁嘅茄子一咬成口都係肉汁，正😊！個湯加左蜆肉同埋海帶，特別鮮甜，豆腐粒令成碗湯嘅味道更清新。