影片
更多
2019-03-28
87 浏览
期待左好耐嘅岩鹽大餐，今日blue Monday終於有機會獎勵下自己喇!8點到門口，已經有少量人龍排隊，好彩餐廳坐位夠多，都係等左15分鐘。由好想食魚生飯，到俾門口即叫即整嘅釜飯吸引左，再坐低見到餐牌，食品種類真係花多眼亂@@一輪爭扎後，好彩落單後大約10分鐘，嘢食就陸續嚟到。頭盤-溫泉蛋蟹肉胡麻沙律溫泉蛋加上芝麻醬配滑滑嘅豆腐，口感惹味得嚟又清新，食完即刻開胃晒小食-穴子明太子玉子燒唔好俾佢平凡嘅外表呃左，其實內有乾坤。切開佢，明太子就好似流心蛋咁湧出嚟。食落口，名副其實岩鹽出品，明太子加埋岩鹽，味道濃郁。如果再配碗白飯，就一流喇!小食-蟹味噌甲羅燒伴法包睇餐牌嘅時候，已經知道係一碟好精緻嘅小食。嚟到嘅時候，仲好細心咁幫我地攪拌好配料，直接就可以享用喇。多士細細塊，但好脆，一啖就食晒小食-雜錦吉列海鮮串一向係炸物控嘅我，見到雜錦海鮮串，就知道係為我地依啲選擇困難症嘅人而設。一份有4款海鮮（蝦，墨魚，三文魚，帶子），睇配料都覺得係豪華吉列海鮮併盤。最深得我心係帶子同大蝦，脆而不膩，size仲啱啱好，一啖一粒主菜-和風牛肉釜飯等左成晚嘅主角-釜飯。見到份飯，又再俾佢嘅外表呃左，原來盅仔細
8點到門口，已經有少量人龍排隊，好彩餐廳坐位夠多，都係等左15分鐘。
由好想食魚生飯，到俾門口即叫即整嘅釜飯吸引左，再坐低見到餐牌，食品種類真係花多眼亂@@
一輪爭扎後，好彩落單後大約10分鐘，嘢食就陸續嚟到。
頭盤-溫泉蛋蟹肉胡麻沙律
溫泉蛋加上芝麻醬配滑滑嘅豆腐，口感惹味得嚟又清新，食完即刻開胃晒
小食-穴子明太子玉子燒
唔好俾佢平凡嘅外表呃左，其實內有乾坤。切開佢，明太子就好似流心蛋咁湧出嚟。食落口，名副其實岩鹽出品，明太子加埋岩鹽，味道濃郁。如果再配碗白飯，就一流喇!
小食-蟹味噌甲羅燒伴法包
睇餐牌嘅時候，已經知道係一碟好精緻嘅小食。嚟到嘅時候，仲好細心咁幫我地攪拌好配料，直接就可以享用喇。多士細細塊，但好脆，一啖就食晒
小食-雜錦吉列海鮮串
一向係炸物控嘅我，見到雜錦海鮮串，就知道係為我地依啲選擇困難症嘅人而設。一份有4款海鮮（蝦，墨魚，三文魚，帶子），睇配料都覺得係豪華吉列海鮮併盤。最深得我心係帶子同大蝦，脆而不膩，size仲啱啱好，一啖一粒
主菜-和風牛肉釜飯
等左成晚嘅主角-釜飯。見到份飯，又再俾佢嘅外表呃左，原來盅仔細細，份量係好多。牛肉冇因為焗飯焦嘅時候焗到老晒，仲有泡茶俾我地自製茶飯。驚喜嘅除左牛肉好食之外，配料都好充足，竟然連栗子都有。最貼心係個沙漏，原來係俾我地計住1分鐘就落醬汁。又好服務又講求食物品質，真係要俾個like
张贴
