影片
更多
2022-06-17
66 浏览
*長文慎入*我哋久唔久就會搵啲好嘢食吓 獎勵吓辛苦工作嘅自己今次搵到呢間位於筲箕灣東大街再過少少嘅生蠔+日式餐廳驚東大街假日多人 就揀日平日夜晚去咁啱撞正一位店員放假 所以剩返一位店員一腳踢首先好欣賞佢嘅熱情 同熱愛工作嘅心👍🏿睇得出佢好真誠咁推介啲嘢食俾我哋佢話櫃入面係當日會賣嘅生蠔🦪 赤貝同龍蝦🦞仲話嚟緊假日仲會返象拔蚌同活海膽添(聽到呢句 再望埋部電視 即刻想到時再嚟🤣)當日平日夜晚 又黃雨🌧 比較靜佢話如果係落雨 同埋星期五晚&週末人會比較多外賣單亦會多好多呢間舖店面較細 店內得4張枱有興趣又唔想等嘅記得就返時間嚟啦Tia Maraa (No.2) $24@ 🙆🏿♀️首先補一補課先 No.幾係講緊隻蠔嘅重量由No. 0起計 Number越細等於越重佢呢到有賣好多款生蠔🦪但係都要睇當日來貨唔同日子嚟就可以試唔同款㗎啦🙌🏻今次我哋就試咗佢嚟自法國嘅Tia Maraa🇫🇷價錢比較宜人 你哋唔好睇佢細細隻咁隻隻都相當飽滿 同埋佢都幾重海水味所以覺得好清新 仲要佢臨尾係帶有鮮甜味佢嘅口感亦好爽脆 所以我哋都覺得好好食😋店員亦有貼心提醒記得食埋帶子位😆三文魚壽司 $12@ 🙆🏿♀️壽司係即
我哋久唔久就會搵啲好嘢食吓 獎勵吓辛苦工作嘅自己今次搵到呢間位於筲箕灣東大街再過少少嘅生蠔+日式餐廳
驚東大街假日多人 就揀日平日夜晚去
咁啱撞正一位店員放假 所以剩返一位店員一腳踢
首先好欣賞佢嘅熱情 同熱愛工作嘅心👍🏿
睇得出佢好真誠咁推介啲嘢食俾我哋
佢話櫃入面係當日會賣嘅生蠔🦪 赤貝同龍蝦🦞
仲話嚟緊假日仲會返象拔蚌同活海膽添
(聽到呢句 再望埋部電視 即刻想到時再嚟🤣)
當日平日夜晚 又黃雨🌧 比較靜
佢話如果係落雨 同埋星期五晚&週末人會比較多
外賣單亦會多好多
呢間舖店面較細 店內得4張枱
有興趣又唔想等嘅記得就返時間嚟啦
Tia Maraa
$24
11 浏览
0 赞好
0 留言
Tia Maraa
$24
14 浏览
0 赞好
0 留言
首先補一補課先 No.幾係講緊隻蠔嘅重量
由No. 0起計 Number越細等於越重
佢呢到有賣好多款生蠔🦪
但係都要睇當日來貨
唔同日子嚟就可以試唔同款㗎啦🙌🏻
今次我哋就試咗佢嚟自法國嘅Tia Maraa🇫🇷
價錢比較宜人 你哋唔好睇佢細細隻咁
隻隻都相當飽滿 同埋佢都幾重海水味
所以覺得好清新 仲要佢臨尾係帶有鮮甜味
佢嘅口感亦好爽脆 所以我哋都覺得好好食😋
店員亦有貼心提醒記得食埋帶子位😆
2 浏览
0 赞好
0 留言
3 浏览
0 赞好
0 留言
壽司係即叫即整的
上枱時店員有講今次係用三文魚上腩去整🍣
上面配魚子醬 本身三文魚魚紋好鮮明
說明脂肪比好均勻 睇落好靚仔
食落好鮮嫩 再加埋飽滿脹卜卜嘅魚子醬
魚子喺嘴入面爆開嗰吓 咇啲略帶鮮甜嘅汁出嚟
令到成個口感同味道到昇華咗😋
藍鰭吞拿魚壽司 $20@ 🙆🏿♀️
呢款係赤身嚟 配Wasabi漬
店員細心地𠝹埋花 令到佢上枱個樣都幾好👍🏿
赤身相對地無乜油脂 唔會肥
同其他嗰3款有強烈嘅對比
但食落一啲都唔輸蝕
佢嘅肉質雖然比較有咬口 但又未到好實
可以用Q彈嚟形容 而且味道好濃郁🤤
Wasabi漬對本身都食wasabi嘅我哋無太大影響
佢味道都唔係好嗆嗰款 配搭得幾好
大拖羅壽司 $58@ 🙆🏿♀️
大拖都唔駛多作介紹啦 佢都係配Wasabi漬
睇個樣就知佢夠肥 (2片嘅尾尾都係白色脂肪呀 ❤️)
佢嘅油脂比真係爆燈
佢肉質比較軟綿綿 入口即溶
成口都充斥住魚油 完全可以用口齒留香嚟形容
魚香相當持久😌
油甘魚壽司 $15@ 🙆🏿♀️
最後嗰款係油甘魚 切得幾厚
佢係配柚子香草🌿
本身油甘魚肉身嘅油份都幾高
佢淡淡嘅甘甜味 兼帶有魚油香
口感較為清爽 配返清新嘅柚子
中和返魚油嘅油膩感
9 浏览
0 赞好
0 留言
我哋一換口味就夾少少嚟食
小清新 清吓油膩感同殘留嘅味道🥒
蕃薯天婦羅 $32 🙆🏿♀️
抱住「點解可以貴過吉列蝦」嘅心態去點的
食完一啖就明點解喇🥹
佢嘅蕃薯tempura好鬼好清甜
有理由相信佢係日本蕃薯嚟
口感較實 唔會軟腍腍 而炸皮亦算薄同鬆脆
明顯同吉列蝦唔同 再撒咗少少七味粉吊一吊味 推
吉列蝦 $24 🙆🏿♀️
佢嘅炸粉相比天婦羅厚少少 可接受
雖然同蕃薯係2種唔同做法 但佢嘅炸皮亦好脆口
而佢隻蝦好爽口彈牙🍤
再點埋沙律醬真係perfect池
三文魚親子丼
$98
2 浏览
0 赞好
0 留言
佢啲丼飯價錢都好親民
$128起已經有海膽
但突然諗起好耐無叫三文魚親子就衝動地叫咗🤣
好彩無令我哋失望
足足8大片三文魚刺身 邊位相當肥美
魚紋比例亦都ok 食落同壽司嘅差唔多
好鮮 而且相對更大塊 擺入口滿滿嘅omega 3😍
三文魚籽嘅量都唔係講笑 成個窿都係
粒粒都好完整 而且重點係無喺出面食嘅咁鹹咁腥！！
放入口輕輕咬穿佢(哋)
滿足晒爆漿嘅喜悅同鮮香嘅味道🥹🥹🥹
令我對三文魚籽重新改觀
碎蔥吞拿魚腩丼
$78
3 浏览
0 赞好
0 留言
店員有同我哋講呢個丼飯用嘅係溫室青瓜🥒
仲要冰水浸過 令佢脆啲 爽口啲
食落果然同平時嘅唔同 仲有陣清涼嘅感覺
好少喺香港見到有舖頭連一個$78嘅丼飯上面嘅配料都咁講究💕
好多時吞拿魚蓉都會用魚腩嚟整
因為可以keep返佢嘅油香 再加上打到咁幼細
食落口會又軟綿 又滑 滿滿嘅幸福感
小妹完全無辦法抗拒吞拿魚腩蓉嘅誘惑
同埋唔好睇佢得半碗嘅份量咁少咁
佢有一定嘅厚度 絕對對得住呢個價錢👍🏿
服務 💯
除咗熱愛工作嘅心 貼心 細心 用心
有主動斟水 是日推介
有耐心等我哋食完一樣先上另一樣
佢話因為費事我哋生冷嘢同熱嘢撈埋
好似omakase咁呀簡直😂😂😂
整體用餐好愉快😃
又聽到店員同熟客仔傾計
話前排店舖入面大執位 添置咗個凍櫃
加上又滅過蟲 眼見尚算乾淨✨
✅ 加一服務費✅ 網上平台外賣
张贴
