丼瀛 (已結業)

最近投資有一點成績，約朋友食下最愛嘅日本菜，獎勵下自己先😉，丼瀛由榮昌工業大厦搬咗去附近嘅中海日升中心，地方大咗，濶落咗👍🏻每張枱擺放消毒酒精，隔板分隔，依家係慣常設施，佢哋嘅午餐幾抵食喎🤭，刺身丼套餐都祇係💰108起，有齊沙律、味噌湯、蒸蛋同飲品👍🏻套餐附送雜錦刺身有三片,雖然係跟餐送，一樣新鮮好食🤭味噌湯淡淡地，都👌🏻，茶碗蒸，小小一份蒸蛋，估唔到材料都有菇片、雞肉、日式魚旦，白果同蝦仁，又夠嫰滑😋沙律菜細細碗，新鮮爽脆，炸餃子火喉剛剛好，脆脆哋，又唔燶😋海之幸丼刺身新鮮厚切，有三文魚、油甘魚同吞拿魚，三文魚鬆化有油香，赤蝦爽甜，卜卜脆三文魚籽同蟹肉撈壽司飯一齊食，夠哂豐富😋蒲燒鰻魚飯蒲燒鰻魚厚肉無骨，送飯一流🤭 軟殼蟹野菜米紙卷米紙卷包住香脆嘅軟殼蟹同什菜，配埋蟹籽食，口感豐富，超好食🤣我哋仲要咗份海膽豆腐試下，係冷盤黎，豆腐面鋪有甜蝦同三文魚籽，嫩滑好味，仲食到海膽嘅鮮甜味😋侍應姐姐招呼週到又有禮，要俾like👍🏻😉