樂園 (已搬遷) 新店位置

呢間貓貓cafe已經嚟過好幾次， 但次次經過尖沙咀都忍唔住要再黎，因為呢度有鎮店之寶 貓貓。入面啲貓貓好乖，就算唔係特別鍾意貓嘅都唔使驚，佢哋唔會抓人。講到嘢食， 就緊係我每次差唔多都會必叫嘅 芝士焗油幾大傘菇，呢個係我叫嘅其中一個小食，二百幾蚊已經有三大碟嘅小食好抵食， 大傘菇仲要非常juicy， 芝士好香好煙韌，成塊菇仲大過我手掌。醬爆雞翼有六隻咁多， 仲要隻隻都好大隻， 兩個女仔其實係食唔曬， 點埋泰式辣醬就好惹味。香草牛油焗特大帆立貝， 其實淨係見到個樣都已經好興奮 ，呢個係朋友指定要叫嘅 ，佢加咗好多香草 ，配埋啲汁去食但又唔會搶咗海鮮嘅鮮味。香煎牛柳粒飯配黑椒汁 ，目測都已經見到有好多牛柳粒，又係另一個抵食之選， 黑椒味好出， 有好多汁， 但因為樣樣都好大碟，結果同我朋友都食淨好多嘢，好期待下一次再嚟。