DAMA (已結業)

見到好多人介紹Dama，仲要係Vegan純素雪糕，我點會錯過呢有猫山王榴槤唔係唔試麻，其實我唔食榴槤，但榴槤製成品我就會食😂😂😂😂。 猫山王榴槤配楊枝甘露雪糕（$72）賣相好吸引，楊枝甘露拼榴槤我即刻噢左嘴！估唔到離奇夾，好好味，唔會覺得膩添！有驚喜😍😍😍😍。食完全日滿口榴槤味🤣🤣🤣🤣。 港式雞蛋仔軟雪糕（$74）橘子+白桃配紅肉火龍果味採用菲律賓紅肉火龍果，仲要有成80%成份，真係果味濃郁。連雞蛋仔都係全素的。鹹蛋黃心太軟（$40）心太軟都好挺身，外面脆到似曲奇皮，一切開鹹蛋黃漿不斷湧出黎，份量好多，流心效果好好。流心蛋黃香得黎唔鹹，好健康！招牌鮮果烏龍茶（$45）有香濃烏龍茶味配上鮮果，唔太甜又解渴。鹽烤百頁豆腐（$38）感覺似炸左既魚腐，又幾得意，重豆味100% dairy-free 純素雪糕，沒有添加奶類製品，對牛奶敏感人士都可以好放心食👏🏻。