合十 (已結業)

合十1. 大阪燒薄餅係典型薄脆批，上面有好多茶，又有沙律醬同燒汁，我好中意佢有唔少既芝士同雞肉，雞肉都滑架！2. 巨型豬扒跟薯菜呢個好crazy，真係超巨型好大塊，厚切架！佢仲要好淋身、唔柴、又好juicy! 配菜仲有翠玉瓜、粟米仔、蘆筍、煙肉，幾正！仲有超級多薯條🤩3. 泰式辣椒椰香青口呢個小食好泰式好惹味，佢椰奶味比較重，但都不失辣味，青口都幾大隻4. 阿婆的秘密我地揀左少甜，好fresh，唔會死甜，仲有蘋果同藍莓係面5. 多一士不如少一士呢個好粉紅色好靚，同樣好清新呢度打卡真係一流，地點都好方便，值得留意係佢有室外室內，我自己覺得室外靚好多，昂高頭有漫天星星海，唔怕太熱因為有好多大風扇吹住～ 最重要可以帶寵物，朋友帶埋狗狗黎，非常正～