Cabana Breeze (已結業)

朋友難得帶埋狗仔出黎玩，緊係揀間狗仔友好餐廳同佢地一齊食！難得day off就諗住去遠少少食番餐好，所以就黎到Cabana Breeze到食lunch喇~鄰近酒店既西式餐廳，內在環境典雅，係呢到食野感受假日氣息簡直一流!而帶左狗仔既客人可以坐出面，有大型鳥籠座位可以打卡影相，坐落真係好舒服～餐廳選擇多元化，以西餐為主，海鮮、扒類、pizza樣樣齊～凱撒沙律，蔬菜爽口又新鮮，酸酸甜甜好開胃，芝士同醬斬頗多，絕對唔dry~烤章魚沙律，烤至微焦既大大件章魚腳，食落啖啖肉，但帶少少碳烤苦澀，伴碟既蕃茄本人覺得偏酸。意式海鮮湯，超豐富海鮮湯，味道濃郁又鮮香，海鮮仲有青口、帶子、魷魚等等意式烤牛扒，order左7成熟，咀嚼有韌勁，牛扒好香口，外層帶微微焦脆口感。龍蝦意大利燴飯，鮮香又濃郁，啖啖香濃，口感濕潤易入口，蟹肉亦鮮甜！卡巴納提拉米蘇，超推薦既甜品，甜度適中，口感軟滑，中間有層層內脆，值得再食～