象屋泰國餐廳 (已結業)

食下午茶用餐體驗真係奇差。本身打左一大篇但係冇save到......簡單講完全唔值，我2個人食左2舊水攞去食乜都冇咁嬲。每人限叫一份飯麵或班戟，飯勁細一個茶記白飯碗咁，班戟完全唔係網媒宣傳既梳乎厘班戟，係美式熱香餅，兩塊疊埋都仲薄過金拱門。自助位係一張2m x 1m細桌，每款食物一次出好少兼唔係每次refill同一款野食，全場都有around 70幾個客，就當得一半人去拎野食都30人啦，你要好似餓狗搶屎咁先至拎到D好少少既野食，行到出去以為自己係大陸D 1 2星垃圾酒店自助餐，所以個D咩cheesecake啊Tiramisu啊個D我係一件都冇食過(但係有D客係攞完擺係度唔食咖囉)。食物質素我唔講，隔離桌婆婆幫我講埋，佢話牛一個D放題糕點係仲好食過佢。如果你對食冇乜要求既你都依然可以食得好開心既，好似我另一邊桌個2母女仲食得好開心添2個人攞4個人野仲食唔哂(所以我咪乜9都拎唔到)，但係你真係想食好少少既話真係唔好食喇，呢200蚊我覺得好似扔左落鹹水海咁，食完仲要一肚氣成日都冇哂心情。