肯德基家鄉雞 (KFC) (已結業)

狂野燒雞上髀連雞膇，點解燒雞縮晒水既？天水圍特產 BB 雞嗎？勁迷你喎，只有大埔 KFC 體積的一半。細細件雞仔乾爭爭鞋烚烚，沒半點肉汁。微溫唔熱，怕燙親我嘴仔咩，唔熱那會好食。似乎不太受此區食家歡迎，銷程不理想，所以被焗到過熟了。香辣脆雞上髀，呎吋比燒雞正常得多。外皮炸得非常香脆，不油不膩，緊緊包住 juicy 滑溜香噴噴雞肉。大大啖豪氣地連皮帶肉扯出來，肉汁奔騰激射，閃令令散落每顆味蕾之上。鮮紅辣椒粉為白滑雞肉加點色彩，辛辣甜美混雜多種香料及雞甜味，那有不好吃的理由，好好味，幸福啊！與遺忘了的家鄉雞在天水圍重聚！相約高妹艾娜嘆場電影，之前當然要醫醫肚先啦，因靚女 keep fit 中，所以只免為其難陪我食一件囉，一件雞等於一碗即食麵的卡路里呢！