麥當勞 (星光行)

营业中

休息中

M記出新餐，忍唔住要買個新餐來試吓。今次買咗狂野火辣脆雞套餐，叫呢個餐，個包裝好似會比較cool，有紙船樣裝住個包同薯條，薯條包裝都由紅色變成黑色。狂野火辣脆雞套餐，入面有原塊菠蘿，墨西哥辣椒，墨西哥辣椒醬，脆辣雞塊，配上意式包。呢個包嘅材料非常豐富，初頭咬咗一口，覺得甜菠蘿加脆辣雞塊感覺幾甜。但咬多幾口，就發現真係好辣，辣到成塊面都紅晒。最後忍唔住掉走左啲墨西哥辣椒。呢個意式包係偏硬，配上濕濕地嘅菠蘿，可以減少意式包既硬質感。但係，覺得呢個套餐偏貴，要成$43.3。