龍鳳祥餃子館 (已結業)

上次有位朋友介紹我地，佐敦有間新嘅餃子店好好食，今晚放完工自己一個人去試下先，間舖頭唔算好大，大概有十張檯左右，我大概等咗五分鐘左右就有位，入到去座有點迫，可能我太大份啦，第一次嚟新店我多數都會睇下餐牌上面有咩推介，見到佢呢個牛犇麵係餐廳推介，所以叫d個先，之後又見有醉雞食，咁又叫左一碟。【秘制牛犇麵】（犇讀音：燈）個麵終於黎了，味道跟紅燒牛肉麵有點相似，牛味濃，湯底味道更濃厚，濃厚得黎又唔鹹，牛肉忟得軟淋又鮮嫩，值得一讚！【醉雞】一來到酒味勁香濃，雞肉鮮嫩又滲出淡淡酒香味，最啱我口味，最重要係有雞脾位可以食到，正!!