影片
更多
2023-01-20
633 浏览
🌟餐廳：蟹慶📍地址：銅鑼灣軒尼詩道525號澳門逸園中心地庫💰價位：～$200 - $400⏰營業時間：星期一至日 12:00 - 16:00 / 18:00 - 23:00📱電話：2602 1600 / 5112 3521 (WhatsApp)天氣凍凍地又想食日本野又想食海鮮，點算好? 一於約埋best fd去銅鑼灣既「蟹宴」! 佢地主打日式蟹料理，而且採用日本直送時令活蟹，實在令人期待!!———————————————————🌟特選會席套餐🌟 (二人前)🔹蟹肉三文魚籽沙律🔹時令刺身🔹黑魚籽海膽蟹肉蒸蛋🔹日本時令活蟹🔹鹿兒島A5和牛🔹浜燒鱈場蟹腳🔹甲羅燒配多士🔹松葉蟹釜飯🔹汁物🔹甜品———————————————————🔹蟹肉三文魚籽沙律蟹肉好鮮甜且份量十足，搭配三文魚籽及新鮮沙律菜，再混合微微酸既和風沙律汁，食落清新又開胃~———————————————————🔹時令刺身 (深海池魚，拖羅，帆立貝及赤蝦)刺身質素高，厚切大大件而且好新鮮! 我最鍾意拖羅，油脂感好豐富，入口即化，食完超滿足!!———————————————————🔹黑魚籽海膽蟹肉蒸蛋賣相同顏色都好精緻~ 蒸蛋蛋味夠濃郁
📍地址：銅鑼灣軒尼詩道525號澳門逸園中心地庫
💰價位：～$200 - $400
⏰營業時間：星期一至日 12:00 - 16:00 / 18:00 - 23:00
📱電話：2602 1600 / 5112 3521 (WhatsApp)
天氣凍凍地又想食日本野又想食海鮮，點算好? 一於約埋best fd去銅鑼灣既「蟹宴」! 佢地主打日式蟹料理，而且採用日本直送時令活蟹，實在令人期待!!
———————————————————
🌟特選會席套餐🌟 (二人前)
🔹蟹肉三文魚籽沙律
🔹時令刺身
🔹黑魚籽海膽蟹肉蒸蛋
🔹日本時令活蟹
🔹鹿兒島A5和牛
🔹浜燒鱈場蟹腳
🔹甲羅燒配多士
🔹松葉蟹釜飯
🔹汁物
🔹甜品
———————————————————
🔹蟹肉三文魚籽沙律
蟹肉好鮮甜且份量十足，搭配三文魚籽及新鮮沙律菜，再混合微微酸既和風沙律汁，食落清新又開胃~
———————————————————
🔹時令刺身 (深海池魚，拖羅，帆立貝及赤蝦)
刺身質素高，厚切大大件而且好新鮮! 我最鍾意拖羅，油脂感好豐富，入口即化，食完超滿足!!
———————————————————
🔹黑魚籽海膽蟹肉蒸蛋
賣相同顏色都好精緻~ 蒸蛋蛋味夠濃郁，搭配埋上層Creamy 既海膽及黑魚籽，每一啖都好滑順，食落好有層次感!
———————————————————
🔹日本時令活蟹 (毛蟹)
餐廳今日提供蒸原隻毛蟹，超正呀~ 毛蟹上枱個時已經好細心咁剪開部份殼，方便我地食用~重點係個蟹蓋! 蟹膏好飽滿，而且仲好多汁，啖啖都係毛蟹既精華!!
而且蟹身既肉鮮嫩又多汁，仲有少少海水既咸鮮味，岩哂用羹將蟹肉拆出黎，大大啖咁食真係超滿足!!
———————————————————
🔹鹿兒島A5和牛
食返個A5和牛做間場先haha~和牛份量十足，肉質夠哂粉嫩，油脂感相當豐富!! 要讚一讚餐廳提供既調味料先，佢地提供黃芥末籽醬及蒜蓉香蔥醬都好出色，各自能提升牛既鮮味~
———————————————————
🔹浜燒鱈場蟹腳
燒鱈場蟹腳夠哂吸引~ 浜燒過既蟹腳，肉質更緊緻，蟹味更濃郁，而且仲帶點炭燒味道! 將蟹肉一梳梳咁拆出黎食，好過癮!
———————————————————
🔹甲羅燒配多士
餐廳個甲羅燒蟹味噌味道甜甜地幾得意，唔會太咸之餘，仲有好濃郁蟹膏味道! 熱辣辣搭配脆米餅黎食簡直一流!!
———————————————————
🔹松葉蟹釜飯
我最期待既釜飯出場啦! 飯底吸收哂蟹肉既精華，混合櫻花蝦煮成，好鮮味! 重點係店員加入三文魚籽、黑松露醬及香蔥，更會即場幫我地將所有材料撈勻，成個飯食落去令人暖笠笠之餘，仲好滿足!
———————————————————
🔹汁物 (海鮮清湯)
菜式既presentation 都好別緻~ 以海鮮熬制既濃湯加入菇菌用茶壺送上，倒入細細個茶杯黎飲，好寫意好得意!! 餐廳仲提供左青檸，建議加少少落個湯度，更能提升湯既海鮮味，食完釜飯歎返幾杯更滋味!
———————————————————
🔹甜品(抹茶布甸配黑糖厥餅 及 芝士蛋糕)
食到呢度我地都好飽好滿足! 餐廳仲安排左兩款甜品比我地! 最鍾意抹茶布甸配黑糖厥餅，布甸既抹茶味好濃郁，再搭配日式傳統甜品，黑糖厥餅夠哂煙韌，為今晚既晚餐畫上完美句號!
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳地點位於銅鑼灣澳門逸園中心地庫，鄰近地鐵站出口，地點夠哂方便~ 食物方面，採用日本直送時令活蟹，食物質素好，夠新鮮而且煮法又多元化，下次要再黎試埋活蟹肉火鍋先！
张贴
