立体派拉麵 (威靈頓街)

餐廳主打由日本師傅特別研製既各款濃都拉麵湯底，配口感硬身既拉麵，食過番尋味。餐廳環境舒服整潔，食物上菜速度快。晚市8點到，已經好多人食緊，可以提前book位。

叫左特級白湯(小$88)，海體醬油湯($88)，香炸雞軟骨餃子($48)，麵豉香蔥黑豚腩肉($38)，綠茶($28)，可樂($15)。

特級白湯(小)

$88

白湯湯底有啖啖濃烈既雞香味，而且真係好奶白色咁。湯底唔會過鹹，飲完唔會不斷要飲水。配以長長既豚肉片，吸哂d湯既味道，但又唔會遮蓋豚肉味。大量香蔥配搭一齊食，更fresh。麵量屬多，而麵身屬硬，所以麵條食到最後都冇變"冧"，good。

海體醬油湯

$88

海體醬油湯由9種秘製醬油調製而成，醬油味唔算係鹹，係淡淡地既醬油味，口感清爽。

海體醬油湯

睇menu見到個麵會配搭一碟野，初時唔知圖中顯示既係咩，原來係好好好厚切既叉燒。重點係，個叉燒煮得好"冧"，肥瘦肉一層層，人口帶甜，非常出色，高水準。

麵豉香蔥黑豚腩肉

$48

餐廳就連小食都好有心思咁製作，第一次食用雞軟骨做餡料既餃子。餃子炸完非常脆，再咬之後，就食到另一種既脆，就係雞軟骨爽爽地既脆，雙重口感，必食。

麵豉香蔥黑豚腩肉

$38

另一款小食黑豚腩肉用炭火(?)燒過，食到陣陣炭燒既香味。腩肉帶少少肥肉，配埋香蔥一齊食，就冇咁油膩。

麵豉香蔥黑豚腩肉

腩肉切得厚，而且肉質嫩，好juicy。一碟有大約8件，抵食又高質。

飲品

夏天天氣熱，最好飲d清爽飲品消暑。冇諗過會係樽裝綠茶，飲唔哂就可以方便拎走，綠茶清淡唔甜。

整體，食物質素非常高，有心思及將食材發揮得好，而且可以好好享受高質拉麵。