門口嘅復古街機係免費遊玩，等位嘅時候可以打機消磨時間🤩
呢間餐廳裝修非常特別，除咗有好多AV女優嘅物品、牆壁餐牌，仲有好多日本復古玩具同裝飾佈置，店舖細細但係好正😆 而且全店由老闆一人主理，佢好好傾好Nice😌
絕對要入去打卡影相食返個麵📸️！
============ヽ(○´∀`)ﾉ♪
有6款拉麵選擇，可以揀「直麵」或「曲麵」，同一般拉麵店一樣亦可以選擇麵質軟硬度、免費嘅蔥蒜配料等等。
留意返呢度如果想要糖心蛋，係要+$15加配㗎😣 我第一次嚟食唔知道無加到😔。
仲有各式小食可以追加，亦有套餐跟小食同飲品。 全部都清楚列明晒喺點餐紙上面😊
============ヽ(○´∀`)ﾉ♪
❀大賞絵湯拉麵 $88
✰店主推薦招牌大賞絵湯底係豚骨湯，湯底呈奶白色，味道唔算好濃郁，奶滑順口。
叉燒肥瘦適中，炙燒後油香充足，瘦嘅部份唔會鞋。有4、5片！
✰我揀咗曲麵，麵質中等，掛湯程度比直麵好，感覺味道更好😋
❀春貝湯拉麵 $118
✰春貝湯㡳係蜆肉湯底，淡淡海鮮湯味，幾鮮甜。 有7隻蜆+2隻扇貝😍
✰呢款揀咗直麵，直麵本身無咁易掛湯，適合同清爽嘅湯底配搭，同蜆湯好夾🤩
✤追加小食：
❀入味大鮑魚 $36/1隻
✰鮑魚經醬煮後雪凍切片，夠大隻，彈牙入味。
❀麻麻大菠菜 $28
✰菠菜配日式麻將係必然好味配搭😋
1
✤套餐：
❀吉列蝦2隻+罐裝汽水/冷泡茶 $20
✰吉列蝦都幾大隻！炸粉薄脆，蝦肉新鮮，跟餐叫好抵食～
❀廣島隻蠔1隻+ 罐裝汽水/冷泡茶 $30
✰炸蠔脹卜卜，炸到外脆金黃色又夠脆，冇諗過入面咁juicy肥美😋
冷泡茶有兩款選擇💁🏻♀️麥茶或青檸話梅茶，麥茶比較清淡解膩，話梅茶就酸酸地幾開胃。
💵免加一，2個人食，人均$178
