影片
更多
2018-10-27
37 浏览
同朋友係長沙灣盪失路，餓到頂唔順見到呢間鋪門面唔錯價錢又唔貴就入左去。我地叫左十隻是日雲吞，餡料係粟米豬肉，豬骨湯底，一煮好已經聞到成間鋪都係媽咪煲紅蘿蔔湯果陣香味！雲吞夠大隻，每隻餡料充足，同朋友一人五隻已經即刻飽飽地！另外叫左芝士炸雲吞同韮菜餅，雲吞炸得超脆，不過餡料唔算好多，而韮菜餅就煎得好香。溏心蛋雖然賣相唔算吸引，但入口甜甜地既蛋漿即刻係口入面散開，超正！仲叫左份細既麻辣腩肉，本身驚細既唔夠我地兩個大胃王食，想轉大份，點知都幾大份，半肥瘦既腩肉唔算好辣，但夠香夠麻！最後仲叫左杯黑糖玫瑰茶，黑糖珍奶飲得多，玫瑰花茶就好解膩，好香玫瑰花味亦唔會過甜。Ps. 鐘意食辣既朋友一定唔好錯過枱面樽辣菜脯！勁夠辣！總括黎講200蚊內食到咁多樣野，仲食得好飽！物有所值！
我地叫左十隻是日雲吞，餡料係粟米豬肉，豬骨湯底，一煮好已經聞到成間鋪都係媽咪煲紅蘿蔔湯果陣香味！雲吞夠大隻，每隻餡料充足，同朋友一人五隻已經即刻飽飽地！
另外叫左芝士炸雲吞同韮菜餅，雲吞炸得超脆，不過餡料唔算好多，而韮菜餅就煎得好香。
溏心蛋雖然賣相唔算吸引，但入口甜甜地既蛋漿即刻係口入面散開，超正！
仲叫左份細既麻辣腩肉，本身驚細既唔夠我地兩個大胃王食，想轉大份，點知都幾大份，半肥瘦既腩肉唔算好辣，但夠香夠麻！
最後仲叫左杯黑糖玫瑰茶，黑糖珍奶飲得多，玫瑰花茶就好解膩，好香玫瑰花味亦唔會過甜。
Ps. 鐘意食辣既朋友一定唔好錯過枱面樽辣菜脯！勁夠辣！
總括黎講200蚊內食到咁多樣野，仲食得好飽！物有所值！
张贴
