影片
更多
2021-04-21
36 浏览
好耐冇飲茶，朋友係太子放工之後就約左佢飲茶。第一次夜晚飲茶，都幾特別🤣我哋叫咗鹹點同甜點一齊share。熱點蝦餃皇 ($29)個蝦餃幾新鮮，皮薄餡令！而且入面d蝦幾大粒！醬汁蒸鳳爪($20)呢個鳳爪好入味，係我食過咁多次鳳爪入面數一數二既鳳爪！蜜汁叉燒腸($23)佢入面叉燒好多，個皮如果薄少少就perfect！小梨子鹹水角($28)賣相好可愛，同埋食落去都係皮薄餡令，有豬肉碎蝦米、冬菇、沙葛，好似鹹既糍粑咁！蒜香蝦春卷 ($22)個皮好脆，入邊既蒜蓉同蝦都好突出，再加啲芫荽調味，幾正！海底椰燉雞湯 ($22)呢個湯完全冇味精，真係真材實料，入邊有海底椰同埋雞，清熱潤肺夠晒健康。楊枝甘露糕 佢個糕好chewy，入面仲有粒粒芒果同西米，口感100分～依家夜晚飲茶仲有八八折，真係好抵，啱晒我呢d糧尾人🤣
我哋叫咗鹹點同甜點一齊share。
熱點蝦餃皇 ($29)
個蝦餃幾新鮮，皮薄餡令！而且入面d蝦幾大粒！
醬汁蒸鳳爪($20)
呢個鳳爪好入味，係我食過咁多次鳳爪入面數一數二既鳳爪！
蜜汁叉燒腸($23)
佢入面叉燒好多，個皮如果薄少少就perfect！
小梨子鹹水角($28)
賣相好可愛，同埋食落去都係皮薄餡令，有豬肉碎蝦米、冬菇、沙葛，好似鹹既糍粑咁！
蒜香蝦春卷 ($22)
個皮好脆，入邊既蒜蓉同蝦都好突出，再加啲芫荽調味，幾正！
海底椰燉雞湯 ($22)
呢個湯完全冇味精，真係真材實料，入邊有海底椰同埋雞，清熱潤肺夠晒健康。
楊枝甘露糕
佢個糕好chewy，入面仲有粒粒芒果同西米，口感100分～依家夜晚飲茶仲有八八折，真係好抵，啱晒我呢d糧尾人🤣
张贴
