影片
更多
2022-01-21
2003 浏览
今日去牛頭角搵朋友👬，行到見到間個招牌名好特別，於是行去望下。發現係一間專食炒飯嘅鋪頭，啱曬我，因為我真係好鍾意食炒飯🥘。上網搵一搵資料，發覺呢間“金飯碗”喺牛頭角好出名，全香港只有一家，既然嚟到梗係要試下。即叫即炸椒鹽豬扒🥩飯🍚：呢度嘅椒鹽豬扒飯係佢哋嘅招牌菜，仲要係即叫即炸，咁當然要等一陣，但食好嘢係唔介意等嘅，果然冇令我失望，未上檯已經嗅到好香椒鹽香同豬扒🥩香，而且份量都唔細，豬扒🥩多到遮住曬啲飯，個炒飯炒得好靚，粒粒金黃色，蛋漿包住晒d飯，就睇得出師傅嘅功架，唔好以為炒飯好簡單，其實係最難。豬扒炸得好鬆軟，而且好入味，果然係招牌主打🥰。招牌蝦頭🦐油炒飯🍚：聽個名已經覺得好特別，出面未見過，佢哋嘅炒飯唔使多講，鑊氣夠之餘冇任何水分，令到粒粒米都好香同好分明，再加埋佢哋自製嘅蝦頭油撈落炒飯到炒，令依個個炒飯味道升到另外一個層次，而且入面啲海鮮都用足料，有魷魚🦑/元貝仔/蝦球🦐，簡直係高級版嘅炒飯。椒鹽雞翼🍗：佢哋呢隻雞翼係冇炸漿既做法，雞翼炸得好香，外脆內軟，好juicy好多汁，而且面頭佈滿好多炸蒜同蔥，令到成個畫面都震撼。食完咁濃味嘅嘢梗係要飲杯凍飲🥤，我哋叫咗杯凍奶茶/凍檸茶，
上網搵一搵資料，發覺呢間“金飯碗”喺牛頭角好出名，全香港只有一家，既然嚟到梗係要試下。
即叫即炸椒鹽豬扒🥩飯🍚：呢度嘅椒鹽豬扒飯係佢哋嘅招牌菜，仲要係即叫即炸，咁當然要等一陣，但食好嘢係唔介意等嘅，果然冇令我失望，未上檯已經嗅到好香椒鹽香同豬扒🥩香，而且份量都唔細，豬扒🥩多到遮住曬啲飯，個炒飯炒得好靚，粒粒金黃色，蛋漿包住晒d飯，就睇得出師傅嘅功架，唔好以為炒飯好簡單，其實係最難。豬扒炸得好鬆軟，而且好入味，果然係招牌主打🥰。
招牌蝦頭🦐油炒飯🍚：聽個名已經覺得好特別，出面未見過，佢哋嘅炒飯唔使多講，鑊氣夠之餘冇任何水分，令到粒粒米都好香同好分明，再加埋佢哋自製嘅蝦頭油撈落炒飯到炒，令依個個炒飯味道升到另外一個層次，而且入面啲海鮮都用足料，有魷魚🦑/元貝仔/蝦球🦐，簡直係高級版嘅炒飯。
椒鹽雞翼🍗：佢哋呢隻雞翼係冇炸漿既做法，雞翼炸得好香，外脆內軟，好juicy好多汁，而且面頭佈滿好多炸蒜同蔥，令到成個畫面都震撼。
食完咁濃味嘅嘢梗係要飲杯凍飲🥤，我哋叫咗杯凍奶茶/凍檸茶，簡直令依個炒飯之旅做一個完美總結。
總結：下次得閒要再黎先得。
张贴
