叁不館

营业中

休息中

雖然疫情反覆不定，今日中午都同朋友去咗位於天后嘢叁不館打邊爐。店舖位於7樓，裝修用咗工業風嘅設計，簡潔乾淨又有濃濃嘅懷舊風。我哋首先嗌咗二人餐。湯底要咗眾人皆醉雞湯煲底，斬件嘅雞塊，浸喺香濃嘅酒裡面，雞充滿咗酒香味。另外要了頂級安格斯牛頸脊 ， 雖然份量唔係好多，但肉汁豐富有咬勁， 呢個係必食之選，即飽餃餃， 佢包含咗三款嘅餃子 ，分別是雙子鮮蝦雲吞 ，韭菜餃子 ，招牌午餐肉餃各兩件， 食得出餃子係即叫即包，滾燙咗一陣就食得啦 ，熟嘅時候脹卜卜， 裏面嘅材料超新鮮。 另外一定要試下佢哋嘅手打丸丸， 我哋要咗豬肉丸，鯪魚丸，牛丸，墨魚丸，蝦丸各兩粒。雖然係細細粒，但係新鮮打製，滾燙後，食落脆卜卜，又彈牙， 配上自己撈嘅醬汁 ，滋味無窮。另外我哋仲食咗 ，邪惡響鈴配自家炸魚皮， 響鈴和炸魚皮都係新鮮炸出 ，唔放入湯都可以即食㗎。食咗上邊咁多好嘢，原來仲有新鮮蔬菜大大兜，芝士腸 ，牛白柏葉 ，稻庭烏冬。 所有食材都新鮮又好味， 咁高質嘅打邊爐餐廳 ，非常值得推介我身邊朋友過嚟試一試㗎。