熨烤達人 (已結業)

餐廳以鐵路爲主題，成個裝修好似係鐵路入面食緊野咁，好特別。附送既有爐邊燒蛋、生菜同幾款配菜，未燒到野食都唔驚餓親。蓮藕好爽，味道帶甜。芽菜微微又爽口，好開胃!將芝士同粟米粒加入蛋液中，再慢慢等佢烤好就食得啦。一公升眼淚睇個樣真係估唔到究竟個名同煙三文魚包生菜有咩關係。煙三文魚味道香濃，咸咸地，同清新既蔬菜好夾，可以中和一下燒烤既油膩感。原來眼淚係來自試管入需超辣既透明液體，個辣度直迫譚仔大辣，小小一滴已經叫人流眼淚，辣味係類似芥辣個種，直接衝擊舌頭，好食得辣既朋友可以一試。調味豬皮食韓燒真係一定要食豬皮，放係爐上烤一烤，再加埋個熨斗係豬皮上面，再剪成小份，烤過後的豬皮表面焦香，但口感依然彈牙！肩胛肉最後都係要食下牛肉先，口感較扎實，味道不錯，配埋生菜食可以減輕油膩感。