金船長餐廳 (已結業)

呢間老牌餐廳係公司同事介紹，同事一向識食，加上佢帶路，就過黎試下。先黎試試佢地招牌菜，黑松露芝士pizza，賣相無乜特別，但竟然食法就咁特別。外皮超脆而且佈滿芝士粉粒，芝士香配襯黑松露菌份外配襯，加埋點埋黑醋食，酸微微配黑松露香又係另一種食法。仲有食呢份鵝肝蘋果沙律，鵝肝煎得頗滑又香，鵝肝油香正好用蘋果蓉同沙律黎中和，油利感消除不少，另外蘋果蓉係用焦糖煮過，味道除左蘋果味仲有微香焦糖味。將鵝肝襯埋落塊多士度食係一向既絕配，香口既鵝肝同脆口既多士真係夾埋成厚多士，一塊香脆既厚多士。