U IZAKAYA (已結業)

之前放假就帶屋企人去食呢間fusion餐廳，lunch 都幾多人食。🦪活生蠔刺身 $156生蠔有2款口味，分別係原味同加咗蘿蔔蓉嘅酸汁生蠔。生蠔好肥美，蠔味好重，肉質爽嫩，好食。😋🥓風乾火腿拼盤 $128風乾火腿拼盤有Salami, Parma ham, 芝士同牛油果醬。Parma ham鹹香十足，同芝士好夾。😛🍆蒜香欖油炒雜菜(時令) $88加咗好多木魚碎喺上面，好有日式風味，雜菜有茄子、翠玉瓜、雞髀菇等。😆🐷鐵板黑毛豬肩肉 $228賣相精緻，黑毛豬肩肉一啲都唔嚡。配菜有薯蓉同南瓜，兩樣都幾好食。🦀松葉蟹肉卡邦尼烏冬 $188呢個卡邦尼烏冬我比一百分，烏冬好掛汁，好多蟹肉，啖啖美味。