影片
更多
2018-02-04
186 浏览
難得同老死一齊放假，佢提議去鯉魚門睇日落同食海鮮，天寒地凍，佢都好有興致吓！冇所謂啦，老死叫到一於奉陪。六點幾鐘睇完日落，除左個靚海景，仲有陣陣寒風！睇完又搵下有咩好食，叫海鮮實在唔在行，唔知咩價先係合理價，最怕做水魚。遠處見到有啲燈飾閃閃吓，有間餐廳喺三家村碼頭嗰邊，過去睇睇原來係日本餐廳，仲有個Q版財神。門面大，夠光猛，裝修都有漁港風味，全部都係木製或竹製矮枱椅，天花掛左啲燈籠。望出玻璃窗仲有無敵海景！叫左三樣野食：京都炸豆腐（$68 ）豆腐皮炸得好香脆，入面就係香滑豆腐，而且豆香冇因為炸完而消失。豆腐係浸喺日本醬油入面，但只係調吓味而唔會過鹹，上面仲有少少辣蘿蔔蓉吊吓味。季節白身魚薄切 - 左口魚刺（$280）白身魚同托羅比較起嚟油脂冇咁豐富，但勝在肉身細嫩同埋魚肉鮮甜味更突出。呢個左口魚刺身魚味好濃郁，若果點調味醬油嚟食我覺得會浪費咗。除咗好食，攞碟亦相當精緻，中間係刺身粒，下面有蘿蔔絲襯托，側邊就放咗小植物裝飾。師傅刀功了得，有啲薄切到半透明狀態，透出碟底嘅藍色，幾有美感。三家村海鮮艇仔泡飯（$288） 嚴冬下要食啲暖身嘢，泡飯材料有蝦同蜆，好大鍋。飯係日本青森米煮成，粒粒
遠處見到有啲燈飾閃閃吓，有間餐廳喺三家村碼頭嗰邊，過去睇睇原來係日本餐廳，仲有個Q版財神。
門面大，夠光猛，裝修都有漁港風味，全部都係木製或竹製矮枱椅，天花掛左啲燈籠。望出玻璃窗仲有無敵海景！叫左三樣野食：
京都炸豆腐（$68 ）
豆腐皮炸得好香脆，入面就係香滑豆腐，而且豆香冇因為炸完而消失。豆腐係浸喺日本醬油入面，但只係調吓味而唔會過鹹，上面仲有少少辣蘿蔔蓉吊吓味。
季節白身魚薄切 - 左口魚刺（$280）
白身魚同托羅比較起嚟油脂冇咁豐富，但勝在肉身細嫩同埋魚肉鮮甜味更突出。呢個左口魚刺身魚味好濃郁，若果點調味醬油嚟食我覺得會浪費咗。
除咗好食，攞碟亦相當精緻，中間係刺身粒，下面有蘿蔔絲襯托，側邊就放咗小植物裝飾。
師傅刀功了得，有啲薄切到半透明狀態，透出碟底嘅藍色，幾有美感。
三家村海鮮艇仔泡飯（$288）
嚴冬下要食啲暖身嘢，泡飯材料有蝦同蜆，好大鍋。
飯係日本青森米煮成，粒粒飽滿圓潤。飯浸喺魚湯入面，但未有浸到腍晒，再加上牛油果粒增加口感，好食。
蝦都算大隻，只有三隻，但口感爽彈且味道鮮甜，唔會因為泡飯而用啲唔新鮮嘅蝦。最可惜只得兩種海鮮，唔係好夠喉添！
晚餐附送特色裝修同無敵大海景，有啲似喺船上面食野咁，幾有風味。
张贴
