二兄車麵館 (已結業)

大圍好多嘢食選擇多，個人比較鐘意黎呢間，坐得較舒適，無咁人迫人。餐廳除咗最出名車仔麵，仲有炒嘢，蒸飯等等。銅盆荷葉蒸走地雞飯，蒸的時間恰到好處，肉質口感滑嫩，配碗白飯剛剛好。星洲炒米香口惹味份量十足，炒得好乾身，配埋啲韮黃、洋蔥、叉燒齊食，唔會覺得好膩。另外仲叫咗小食，菜心大大碟，夠翠綠。咖喱豬皮魚蛋 好耐冇食豬皮，豬皮魚蛋吸晒咖哩汁，辣辣地好惹味，，魚蛋入口爽彈，比我想像中好食。最後跟餐仲有嘢飲，大大杯勁解渴。