茶餐廳2.0 (已結業)

收工喺愉景附近，見到呢間茶餐廳同人唔同，因為佢門口有精致雞蛋仔賣，就係咁我地就行左入去，睇完個餐牌見到鐵石系列係必食。於是我地就嗌左個T骨牛同西冷牛試下。T骨牛味重，，夠厚肉，肉質都好軟腍，配埋個蒜蓉汁，都幾惹味架。西冷就係薄切嘅，但好彩冇乜筋，肉質都算軟腍，配左個黑椒汁好香但唔太辣，小朋友都會食到。加十蚊有嘢飲同有個湯，羅宋湯酸酸辣辣，好醒神開胃。最吸晴嘅係佢啲凍飲杯，真係好得意。最後就係我入嚟嘅目的：雞蛋仔雞蛋仔上面有雜果同士多啤梨，再加埋個雪糕球又脆又凍，好過癮。