蜜滋麻美

营业中

休息中

來自台中嘅蜜滋麻美，杯上搶眼嘅紅色貼紙好似揮春夠晒應節，招牌係新鮮打磨嘅手炒花生芝麻～阿美黑糖珍珠奶茶用咗由台灣進口手工製作嘅現炒黑糖珍珠，奶茶面頭有層綿密嘅奶霜，可以加花芝，試晒兩款推薦配料～ 炒香過嘅花生芝麻粒味道香濃，黑芝麻味較突出，一啖同時飲到Q軟嘅珍珠同香脆嘅花芝，口感豐富。不過奶茶底飲落有啲蓋過咗黑糖味，相信黑糖鮮奶會更吸引！蜜滋麻美嘅茶類飲品都係用台灣頂級手採茶沖泡，阿里山嘅青心烏龍味道清香回甘，同濃厚嘅芝士奶蓋亦非常夾。兩款飲品都有得揀冰度甜度，調配番適合自己嘅口味。