羅麥記 (奧海城2期) (已結業)

每日食飯嘅時間都非常寶貴，只有1小時，但同事們仍然鍥而不捨地追尋新事物，務求有新鮮感，因此近日奧海城開咗羅麥記，我就即刻建議大家一齊去試吓！嚟到羅麥記門口都好多人排隊，等左大約10分鐘就有位啦。入到去餐牌其實都好多嘢揀，全部都幾有特色，唯一缺點係價錢稍貴，但相比起美x香x地，又貴服務態度又差，羅麥記起碼食物有啲質素先，比都比得開心啲！入返正題， 今次我嗌左個芝士豬頸肉撈麵，好快就上菜，芝士唔會好漏，但亦都有濃濃嘅芝士味，會令你不禁想食完一啖又一啖，豬頸肉亦都非常爽口，成件事好夾，要知道坊間食芝士撈丁要整得好食都唔係咁易，羅麥記呢方面做得唔錯👍🏻另外嗌咗杯熱檸蜜，不過不失！