雲海米線 (已結業)

米線總離唔開麻辣酸辣清湯湯底、有時候真係會食到悶悶地。最近就經過油麻地一間新開嘅米線店【雲海米線】、見好乾淨、裝修好新潮又好光猛就入去試下。入去先發現原來餐廳主打自己真材實料熬煮嘅濃蝦湯底、禁特別、當然就算貴D都要試！本身米線已經包左腐皮,螺旋藻,木耳絲同肉燥、而我自己再加豆卜、芝士腸同手打墨魚滑。濃蝦湯底可加辣或走辣。另外叫左芒果綠茶同紅糖糍粑。米線份量超級無敵大！尤其另外加嗰D配料每一份都超級多！建議食量少叫最多2款就夠啦！濃蝦湯蝦味香濃、但完全唔會過鹹、非常特別！紅糖糍粑新鮮熱辣、仲會爆漿！